570 milionë dollarë është shuma e fituar nga blerësi ende i paidentifikuar i një bilete të lotarisë së famshme “Powerball” në Shtetet e Bashkuara.
Shorti për Jackpotin u hodh mbrëmjen e të shtunës dhe sipas mediave amerikane, bileta fituese është shitur në një dyqan në New Hampshire. Deri më tani askush nuk është paraqitur për të tërhequr shumën, ndërsa fituesi ka kohë rreth 20 ditë për tu paraqitur. Fatlum është edhe pronari i dyqanit, ku u shit bileta fituese pasi rregullat e lotarisë i japin atij 10% të shumës.
Po ashtu, rregullorja parashikon që nëse fituesi e tërheq menjëherë gjithë shumën Kesh, ai përfiton vetëm 62% të shumës. E plotë shuma mund të merret me këste për 29 vite.
Shuma më e madhe e fituar ndonjëherë në një lotari amerikane ka qenë në janar 2016, 1.6 miliard dollarë, e cila u nda në 3 bileta fituese.
Tv Klan
