Gazeta prestigjioze gjermane “Bild” i ka bërë jehonë destinacioneve turistike të Shqipërisë.
Kryeministri Edi Rama përmes një postimi në rrjetin e tij social, Facebook, ka përshëndetur shkrimin e “Bild”, teksa shprehet se ky është një superpromovim ndërkombëtar.
Rama shton se po përgatitemi që gjatë muajit Mars të prezantohemi si fytyra e ITB Berlin 2025, panairit më të madh në botë për turizimin.
“Superpromovim ndërkombëtar mediatik nga tabloidi gjerman “Bild” që na rendit në krye të listës së destinacioneve për të udhëtuar gjatë këtij viti. 356 mijë vizitorë nga Gjermania kanë udhëtuar drejt Shqipërisë deri në Nëntor, ndërsa po përgatitemi që gjatë muajit Mars të prezantohemi si fytyra e ITB Berlin 2025, panairit më të madh në botë për turizmin”, shkruan Kryeministri Rama.
