Ditën e sotme, kryetarja e Gjykatës Holta Zaçaj në një komunikim për mediat ka bërë bilancin vjetor.
Gjatë fjalës së saj ajo tha se nuk ka çështje të prapambetura, ndërsa theksoi se Gjykata ka ndërmarrë nisma që kanë përmirësuar punën.
“Pavarësisht ngarkesës së çështjeve gjykata ka bërë përpjekje për përmbushjen e objektivave të saj, me qëllim dhënien e një drejtësie funksionale. Gjykata ndërmori nisma konkrete për përmirësimin e veprimtarisë në disa drejtime, miratoi rregullatoren dhe ridimensionoi marrëdhëniet me të dhe me publikun”, ka thënë ajo.
Zaçaj u ndal edhe tek buxheti për Gjykatën Kushtetuese duke thënë se nuk është i mjaftueshëm.
“Gjykata ka bërë përpjekje të vazhdueshme për përmbushjen e objektivave me qëllim dhënien e një drejtësie funksionale. Në kushtet e një buxheti të panevojshëm gjykata mori nisma konkrete për përmirësimin, miratimin e rregullores për funksionimin e administratës, rregulloren për komunikimin e gjykatës me median dhe ridimensionimi i marrëdhëniet me të dhe publikun.”
