Rritet bilanci tragjik i aksidentit në Gjirokastër. Njëra prej të plagosura raportohet se ndërroi jete në spital, duke e cuar keshtu ne 2 numrin e viktimave.
Aksidenti i rëndë ndodhi në mesditë në vendin e quajtur Jorgucat, në aksin Gjirokastër – Kakavijë.
Nga të dhënat paraprake mësohet se tre gra zbritën së bashku nga autobusi dhe u përplasën nga një makinë. Njëra prej tyre vdiq në vend ndërsa tjetra ndërroi jete ne spital. Gruaja e trete eshte ne gjendje te rende ne spital. Tre gratë janë nga Lazarati, thane burimet.
Njoftimi i policisë:
Informacionet paraprake të policisë së Gjirokastrës bëjnë të ditur se mjeti “Nissan” me targë Gj 0524 A, me drejtues Leonidha Klemo ka goditur tre gratë. “Si pasojë dy prej shtetaseve H.Ç e S.K banuese në Lazarat kanë humbur jetën ndërsa shtetasja tjetër ndodhet në spital në gjendje të rëndë për jetën. Në vendngjarje kanë shkuar shërbimet e qarkullimit rrugor dhe grupi hetimor ku vijon puna për zbardhjen e plotë të rrethanave të ngjarjes”.
*Pamje nga vendi i ngjarjes
