Rritet numri i të vrarëve nga shpërthimi i një autobombe në Turqi.
Katër policë u vranë dhe shumë të tjerë raportohet se janë plagosur pasi një makinë bombë shpërtheu në krahinën juglindore të Dijarbakirit në Turqi.
Lajmin e kanë bërë me dije mediat turke, sipas të cilave, shpërthimi ka ndodhur pranë stacionit të autobusëve të qytetit, teksa aty po kalonte një automjet policie.
Oficerët e policisë dhe banorët që ndodheshin aty pranë thuhet se kanë marrë plagë. AFP raporton se janë 14 të lënduar, mes tyre 8 efektivë.
Disa ambulanca mbërritën me shpejtësi në vendin e ngjarjes, ndërsa oficerët e policisë të plagosur janë transferuar në Spitalin Ushtarak të Dijarbakër.
“Hyrriet” shkruan se kemi të bëjmë me një sulm terrorist.
http://www.dailymotion.com/video/x414bra_sulm-me-bombe-ne-stacionin-e-autobuseve-ne-turqi_news
