Në studion e Top Show, këtë herë Alban Dudushit i ka dalë programi nga kontrolli. Duke regjistruar emisionin e radhës ai është gjendur përballë surprizës së stafit.
Albani sot mbush 45 vjeç dhe me ç’kuptohet nga shënimi në ekranin pas supeve të tij, 17 nga këto ka qenë në drejtimin e Top Show. Gati një e treta e jetës deri tani!
Stafi me Bieta Sulon në krye, partneren e Albanit dhe kryeredaktoren e Top Show i kanë përgatitur një tortë me kate dhe kanë krijuar një atmosferë festive me shampanjë.
Fotot i ka publikuar Albana Osmani bashkë me urimin për drejtuesin e emisionit. Me siguri, nuk ka munguar as muzika dhe këngët, të interpretuara nga një grup profesionist.
