Mbrëmjen e sotme është përfshirë në flakë një banesë e ndodhur në katin e tretë të një pallati në Vlorë.
Sipas uniformave blu, sot rreth orës 21:10 në lagjen “24 Maji” është përfshirë në flakë banesa e shtetasit K.Rr, ku për pasojë ka mbetur i dëmtuar ky i fundit dhe bashkëshortja e tij.
Mësohet se dy të lënduarit janë në spital nën kujdesin e mjekëve.
“Me datë 01.02.2022, rreth orës 21:10 në lagjen “24 Maji”, në katin e tretë të një pallati, ka rënë zjarr në banesën e shtetasit K. Rr., ku si pasojë është dëmtuar shtetasi K. Rr., dhe bashkëshortja e tij, të cilët ndodhen në spital nën kujdesin e mjekëve.
Në vendngjarje ndodhen forcat zjarrfikëse të cilat po punojnë për fikjen e zjarrit.
Vijon puna nga grupi hetimor për zbardhjen e rrethanave të ngjarjes dhe përcaktimin e shkakut të rënies së zjarrit”-njofton policia./Opinion.al
