Një 35-vjeçar ka humbur jetën ditën e sotme në Durrës, teksa ishte duke prerë degët e një peme.
Bëhet me dije se 35-vjeçari me iniciale A. L., punonjësi i firmës që po kryen punime për ndërtimin e pedonales në plazhin e Durrësit.
Mësohet se ai ka rënë nga koshi i vinçit të punës teksa po priste degët e pemës dhe për pasojë ka humbur jetën.
“Gjatë punës për prerjen e degëve të pemëve në lagjen nr. 13, është rrëzuar dhe ka rënë nga koshi i vinçit të punës, punonjësi i firmës që po kryen punime për ndërtimin e pedonales në plazhin e Durrësit, shtetasi A. L., 35 vjeç, i cili si pasojë ka humbur jetën.
Grupi hetimor ndodhet në vendngjarje dhe po punon për sqarimin e rrethanave të ngjarjes”, njofton policia./Opinion.al
