Një adoleshent ka humbur jetën tragjikisht, si pasojë e rënies në gropën e ashensorit.
Aksidenti ka ndodhur mesditën e djeshme rreth orës 14:00, në lagjen Nr.14, Shkozet, Durrës, tek firma e këpucëve.
Sipas policisë, adoleshenti, duke levizur në asdhensorin e kësaj godine ka rënë nga një lartësi 6 m.
Viktima është i moshës 15 vjeç, banues në Durrës, i shtyrë nga kureshtja kishte shkuar për të parë ashensorin e ndërtesës.
“Ndërkohë, shtetasi B. D. 44 vjeç, banues në Rrashbull, Durrës, punonjës pranë kësaj firme, i cili ka shkuar për të ndihmuar shtetasin K.L. në tentative për t’i shpëtuar jetën, janë rrëzuar të dy bashkë në gropën e ashensorit”- njofton policia.
Mësohet se nga rrëzimi shtetasi K.L. ka ndërruar jetë, ndërsa shtetasi B.D. ndodhet në spital nën kujdesin e mjekëve.
Materialet i kaluan Prokurorisë së Rrethit Gjyqësor Durrës për veprime të mëtejshme për ngjarje aksidentale.
