Presidenti amerikan, Joe Biden, dhe homologu i tij kinez, Xi-Jinping do të takohen të mërkurën në Kaliforni të SHBA-së, për herë të parë pas një viti.
Ky takim vjen në një kohë që dy vendet kanë shkëmbyer akuza ndaj njëri-tjetrit.
Ata pritet pkërisht të diskutojnë për marrëdhëniet e tensionuara, tregtinë, por edhe çështjen e Tajvanit.
Udhëheqësit do të marrin pjesë në takimin e nivelit të lartë të forumit për Bashkëpunimin Ekonomik Azi-Paqësor që mund të zgjas me orë të tëra.
Në qendër të takimit, pritet të jenë çështjet globale nga lufta Izrael-Hamas deri te agresioni rus ndaj Ukrainës.
“Asnjë temë nuk do të mbetet pa trajtuar”, u tha gazetarëve një zyrtar i lartë i administratës së presidentit Biden.
Marrëdhëniet mes dy vendeve janë të tensionuara që pas rrëzimin e një balone kineze që përshkoi hapësirën ajore të Shteteve të Bashkuara në Shkurt.
