Zëvendëspresidentja Kamala Harris bëri një hyrje të madhe gjatë nisjes së fushatës së saj, të hënën në mbrëmje, dhe në sfond ishte kënga “Freedom” e Beyonce.
Një burim i afërt me Harris tha për CNN se ekipi i saj mori miratimin nga përfaqësuesit e Beyoncé për ta përdorur këngën gjatë gjithë fushatës së saj presidenciale.
CNN tha se një burim i afërt me Harris zbuloi se, “vetëm orë para se ajo të dilte për këngën”, kampi i Beyonce-s i ofroi ekipit të Harris miratimin për të shpërthyer “Freedom” jo vetëm të hënën në mbrëmje, por “gjatë fushatës së saj presidenciale”.
Beyonce nuk ka bërë ende një miratim zyrtar, por lejimi i përdorimit të këngës sigurisht që do të merret si mbështetje e heshtur.
Beyonce është përfshirë gjithmonë në fushatat elektorale të kandidatëve demokratë. Në vitin 2013, ajo këndoi Himnin Kombëtar në ceremonin e Presidentit Barack Obama. Në vitin 2016, Beyoncé dhe bashkëshorti i saj Jay-Z kryesuan një koncert parazgjedhor për Clinton në Cleveland, Ohio, me një superperformancë ku kërcimtaret e saj dhe ajo vetë ishin veshur me kostume blu për të nderuar gruan që mund të ishte presidentja e parë femër.
“Dua që vajza ime të rritet duke parë një grua që drejton vendin tonë dhe duke e ditur se mundësitë e saj janë të pakufishme. Dhe kjo është arsyeja pse unë jam me të”, tha Beyonce në atë kohë. Në vitin 2020, Beyoncé doli publikisht në mbështetje të Biden, duke postuar në Instagram për të inkurajuar ndjekësit e saj të votojnë.
Kënga “Freedom”, debutoi në albumin “Lemonade” të Beyoncé në vitin 2016. Kënga e nominuar për Grammy u bë himn në shumë demonstrata pas vdekjes së George Floyd në 2020.
