Fushata ka kapur një dimension tjetër atë të akuzave me burg. Sot ishte policia e Tiranës që ngriti një sërë akuzat penale për administratorn e njësisë nr. 2, Elez Gjoza i LSI-së se ka regjistruar banorë në mënyrë fiktive dhe ka marrë pjesë në fushatë. Policia i kërkoi Prokurorisë të hetojë dhe dënojë Gjuzën.
Ky i fundit shkoi në selinë e LSI dhe që aty doli në një deklaratë për mediat bashkë me n/kryetarin e kësaj partie Luan Rama.
Elez Gjoza tha se kjo është tendencë e Policisë së Shtetit që drejtohet nga PS të minojë punën e tij. Sipas tij, çështja e regjistrimit të banorëve është hetuar një herë nga prokuroria në 2013 dhe nuk janë gjetur shkelje. Më pas ai hodhi një lum akuzash ndaj ish-ministrit të Brendshëm Saimir Tahiri. GJoza tha ministri i hashashit duhet të shkojë në burg dhe jo ai.
“Çështja i përket vitit 2013. Ky rast në fakt është para 2013 ku Prokuroria e ka shqyrtuar çështjen dhe nuk ka parë asnjë shkelje ligjore. Zyra e Gjendjes Civile në këtë njësi ka punuar sipas ligjeve. Kushdo qytetar është i lirë të banojë aty ku i përmbushen interesat. Akuzat e dytë është që unë shkëmbej vende pune për tu marrë qytetarëve votat. Kjo është qesharake. Unë si administrator edhe sekretaren time nuk e emëroj dot vetë, e emëron kryetari i Bashkisë. Akuza e tretë është që marr pjesë në fushatë elektorale. Është e vërtetë, por fushatën e bëj pas orës 4. Deri në 4 jam në shërbim të qytetarëve. i bëj thirrje ish ministrit të brendshëm që mbolli Shqipërinë me hashash, nuk me tremb dot. Ju duhet të shkoni pas hekurave. Jo unë. Pas orës 4 do jem pranë forcës sime politike. Ishte para 2 ditësh koiçidenca që unë dhe ish ministri i hashashit që bënim fushatë afër e afër. Ai u terrorizua nga mbështetja e LSI”, tha Gjoza.
