Pas vendimit të gjykatës së Apelit Administrativ për mosndërrimin e trupës gjykuese në lidhje me çështjen e pallatit 17 katësh pranë digës së liqenit, ka reaguar Kryebashkiaku Erion Veliaj.
“Kushërinjtë gjyqtarë janë në konflikt të hapur interesi me biznesmenin që kërkon të ndërtojë një kompleks pallatesh 17 katëshe. Veliaj siguroi se nuk do të ketë asnjë ndërtim nën digë, pasi Bashkia ka dorëzuar një padi e cila pret që Gjykata e Lartë të japë verdiktin e saj për raportin e komitetit të digave. Para zbardhjes së këtij vendimi çështja gjyqësore nuk mund të ecë e po ashtu as ndërtimet pranë digës së liqenit”.
“Jam i zhgënjyer si kryetar i bashkisë së Tiranës dhe ju garantoj se qytetarët e Tiranës nuk do ta harrojnë këta gjyqtarë. Dua të falenderoj një gjyqtar, i cili i rezistoi tundimit dhe votoi pro qytetarëve të Tiranës”.
Nesër do të shikojmë një gjyq farsë, ku kushërinjtë gjykojnë kushërinjtë. Bashkia e Tiranës sapo ka depozituar një padi, që thotë se përderisa nuk ka një gjyq të gjykatës së lartë që të shqyrtojë kërkesën e komitetit të digave, atëherë vendimet e gjykatës administrative nuk
hyjnë në fuqi.
Ndërtimet nën diga nuk do të ndodhin! Ashtu sesi gjykata e mori vendimin sot në fshehtësi… u rrefuzua përsëri që vendimi të jepej në mënyrë të hapur, u bë në dhomë këshillimi…ndërtimi tek diga nuk do të ndodhë. Vendim ishte i pabesë për qytetin e Tiranës. Do nis hartimin e një strategjie për pengimin e ndërtimeve. Do diskretitoj sistemin e gjyqësorit në Shqipëri. Gjykata është kthyer në markatë. Do i shkoj
kësaj çështje deri në fund” tha Veliaj.
Kryebashkiaku shtoi se ata që marrin vendime kundër kryeqytetit nuk do të marrin shërbime prej saj. “Vath në vesh për ata që marrin vendime kundër qytetit, as Bashkia e Tiranës nuk do tju japë shërbime. Ja bërë të keqen Tiranës, as ajo
nuk të detyrohet asnjë shërbim.” përfundoi Veliaj.
