Një betejë po aq e fortë sa ajo politike, kryeministri Edi Rama dhe kryedemokrati Sali Berisha po e zhvillojnë edhe me video ironizuese në rrjetet sociale.
Ishte kryedemorkati Berisha i cili pak ditë më parë publikoi një video në rrjetet sociale, ku shfaqeshin momentet e tij më të mira të karrierës politike, ndërsa shoqërohej nga kënga e Unikatilit “Mos më shaj mas shpine”.
Ndërkohë përgjigja e kryeministrit ka qenë një video me të njëjtën këngë, por me momente jo shumë të këndshme për Berishën.
Beteja virtuale mes politikanëve ka vijuar të ashpërsohet si dhe të sjell humor për qytetarët. Kësaj beteje i është futur edhe Lulzim Basha, i cili vazhdimisht poston video në rrjetet sociale duke i filluar me thirrjen “O Rame”.
