Këtë të dielë në të gjithë botën, besimtarët katolikë festojnë Pashkët.
Në vendin tonë mbrëmjen e djeshme është mbajtur mesha e shenjtë në të gjitha kishat katolike, me ritet përkatëse.
Në Tiranë mesha nisi në orën 23:00 në Katedralen e Shën Palit. Kjo është mesha e parë që zhvillohet në mesnatë pas 2 vitesh nën masat e pandemisë së COVID-19, ndërkohë që besimtarë të shumtë kanë mbushur Katedralen në kryeqytet për ta ndjekur.
Pashka është festa më e rëndësishme e Krishtërimit. Ajo shënon ringjalljen e Jezu Krishtit pas kryqëzimit.
