Besa Shahini prej tetorit të vitit 2017 deri më sot mbante detyrën e zv/ministres së Arsimit në Shqipëri. Ajo vjen nga Kosova dhe më herët ka qenë aktiviste e shoqërisë civile dhe ka punuar në fondacione të huaja. Nga sot, Kryeministri Rama i ka besuar Besa Shahinit detyrën e rëndësishme të ministres së Arsimit, Rinisë dhe Sporteve. Në kultim e protestave të studentëve dhe kur flitej në fillim vetëm largimi i Lindita Nikollës, Rama sot ka shkarkuar plot 7 ministra dhe zv/kryeministren. Kabineti i ri qeveritar është i mbushur me njerëz me profil të ulët politik dhe publik që kanë qenë zv/ministra apo këshilltarë të kryeministrit.
Dy prej ministrave të rinj të kabinetit Rama janë nga Kosova, përkatësisht ministri i Jashtëm Gent Cakaj dhe ministrja e Arsimit Besa Shahini.
Duke u ndalur tek kjo e fundit, mediat në Kosovë shkruajnë se Shahini është e dashura e deputetit të Kosovës Dardan Molliqajt.
Molliqaj ka qenë funksionar i lartë në “Vetëvendosje”, por prej disa muaj është ndarë nga kjo parti. Ai tashmë aderon në Partinë Social-Demokrate, e përbërë kryesisht nga grupi i deputeteve të shkëputur nga Lëvizja Vetëvendosje, dhe drejtohet nga Shpend Ahmeti, kryetar i komunës së Prishtinës. /Opinion.al
*Video, Besa Shahini ne 2015, duke folur për Vetevendosjen
*Dardan Molliqaj
*Prezantimi per Besen ne faqen e ministrise
