Policia në Cecina të Italisë, ka vënë në pranga një shtetas shqiptar, i cili ka kërcënuar se do të vriste ishgruan e tij.
Sipas mediave italiane, shqiptari kishte deklaruar me zë të lartë në publik se kishte ardhur për ta vrarë atë, e policia, duke pasur parasysh precedentët e mëparshëm për të, për dhunë në familje vendosën ta mbanin nën vëzhgim dhe ta ndiqnin.
Pra, të shmangnin shqiptarin t’i afrohej gruas. Rreth orës 2 të mëngjesit, mbrëmjen mes të martës dhe të mërkurës, ata e bllokuan shqiptarin teksa po përpiqej të futej në shtëpinë e ishgruas. 51 vjeçari me origjinë shqiptare me banim në Cecina, ishte ndarë nga gruaja pak kohë më parë. Por mesa duket ai nuk e ka pranuar këtë situatë.
Edhe në fillim të janarit, ai e kishte rrahur ishin e tij, e cila përfundoi në spital me një prognozë për regjim shtrati 10 ditë.
Me këtë rast ishbashkëshortja e kishte paditur shqiptarin për dhunë në familje. Në të njëjtën kohë u vendos edhe urdhri i mbrojtjes që 51 vjeçari të mos i afrohej gruas në një distancë të përcaktuar.
Tani është në arrest shtëpie nën akuzat për kërcënime dhe shkelje e urdhrit të mbrojtjes.
