Silvio Berlusconi do të jetë pjesë e Parlamentit Europian për pesë vitet e ardhshme.
Partia Forza Italia ka marrë rreth 10% të votave dhe Berluskoni është një ndër të mandatarit për në PE.
82 vjecari që ka qenë tri herë kryeministër i Italisë, vendosi të kthehet në Bruksel, pasi e ka patur postin e eurodeputetit nga viti 1999 deri më 2001.
Berluskoni dha dorëheqjen nga kryeministria në 2011 si pasojë e akuzave për korrupsion dhe përfshirjes në skandalin seksual “bunga bunga”.
Ky ishte kandidimi i parë i Berlusconit që pas shpalljes së tij fajtor në 2013 nën akuzat e evazionit fiskal.
“Ne jemi ende të domosdoshëm, pa Forza Italia qendra e djathtë humbet… Ne jemi e vetmja forcë e moderuar e një koalicioni fitues. tha Berlusconi. Ai shtoi më tej se është pro një “Europe të bashkuar dhe me një politikë mbrojtjeje të përbashkët”. / Opinion.al
