Alessandro Costacurta, ish-legjendë e Milan, në një intervistë të dhënë për BBC, ka thënë se: “Mendoj se Berlusconi është shumë i moshuar për të administruar klubin. Ka shpenzuar shumë para për skuadrën dhe për politikën dhe besoj se tani ka ardhur moment që diçka të ndryshojë, na duhen investime të reaj sepse Berlusconi tani ka një vizion më të ngushtuar për të ardhmen dhe besoj se është e domosdoshme për Milan-in që të ndryshojë”.
Në lidhje me lojtarët e rinj të aktivizuar nga Montella: “Mendoj se është një ide e mirë t’i jepen hapësira të rinjve. Ne kemi fituar shumë me Milan-in dhe kemi qenë me fat se kemi luajtur në një periudhë shumë të suksesshme për klubin. Mënyra më e mirë për t’u kujdesur për këta të rinj është duke mos i mbuluar në para”.
Në vazhdim, Csotacurta ka zbuluar edhe emrin e lojtarit më të fortë me të cilin është përballur: “Më i forti ka qenë Ronaldo brazilian, më i miri. Të njëjtin mendim kanë Nesta, Maldini dhe Cannavaro, ishte i shpejtë dhe shumë i fortë. Për mua është më i fortë edhe se Maradona, Messi dhe Cristiano Ronaldo”. Mbyllja ka qenë për Milan dhe Inter: “Nuk e di nëse Milan do të kthehet te suksesi në të ardhmen e afërt, por besoj se Inter sezonin e ardhshëm do të jetë në nivelet e Juventus dhe mendoj se që tani është skuadra e dytë më e mirë e kampionatit pas bardhezinjve”.
