Deri në këto çaste, në kryeqytetin gjerman, Berlin, 9 persona kanë humbur jetën, pasi një kamion është futur në një treg krishtlindjesh.
Policia ka bërë me dije se mbi 50 persona kanë mbetur të plagosur, si pasojë e këtij incidenti, ndërsa autoritetet gjermane dyshojnë se është një sulm terrorist.
Në rrejtet sociale, tregohet kamioni i ndaluar mes tezgave, policia gjermane ka konfirmuar, pas disa orësh kërkimi, ka arritur të prangosë autorin.
Tregu ndodhet në Breitscheidplatz, pranë kishës Kaiser Wilhelm.
Në nëntor, Deparatamenti amerikan i Shtetit ka lëshuar një paralajmërim për “rrezik të lartë nga sulmet terroriste në Evropë, sidomos gjatë sezonit të festave të fundvitit”.
Sulmi i mbrëmjes në Berlin, duket se ka rikthyer edhe njëherë në kujtesë masakrën e Nice-s, ku një kamion 25 tonësh shtypi qindra njerëz që po festonin Festën e Pavarësisë së Francës.
Mohamed Lahouaiej Bouhlel, në orën 23:00, 14 korrik 2016, hyri me kamion në shëtitoren e qytetit, duke vrarë 85 persona dhe plagosur mbi 200 të tjerë.
