Kryeministri Berisha ka publikuar sot një denoncim për nënkryetarin e Bashkisë së Lushnjes, Gentian Nushi, ku pretendon se ai ka një biznes në një ndërtesë pa leje të ndërtuar brenda murit të Spitalit të Lushnjes.
“Kjo esht ndertuar ne spitalin ton lushnje duke hyr brenda murit dhe ketu ka biznesin Genti nenkryetari bashkise lushje si nderton brenda dhe pa leje”, është mesazhi i qytetarit dixhital që ish-kryeministri Berisha ka publikuar në faqen e tij në Facebook.
Denoncimi i tij vjen në vazhdën e arrestimeve të zyrtarëve për ndërtimet pa leje. Dy ditë më parë policia arrestoi në Durrës 17 zyrtarë, mes tyre policë dhe inspektorë, të cilët akuzohen për shpërdorim detyre, kryesisht për lejimin e ndërtimeve pa leje.
Nga zbardhja e dosjes u bë e ditur se disa nga shpërdorimet ishin zbuluar pasi ishin denoncuar në komisariatin dixhital.
Nga fotot që shoqërojnë postimin e Berishës duket një objekt të paktën me 2 kate që pretendohet të jetë brenda murit të Spitalit. Pritet nëse denoncimi në mënyrë dixhitale do të sjellë reagimin e autoriteteve edhe për këtë rast. /Opinion.al
