Në një mbledhje me strukturat e partisë, kreu i PD Sali Berisha ndërsa ka folur për protestën që opozita do të mbajë të hënën para parlamentit, ka hedhur akuza dhe ka sulmuar ashpër kryebashkiakun e Tiranës Erion Veliaj. Berisha tha se bashkia do të jetë objekt i mosbindjes civile, ndërsa pohoi se degët e PD janë porositur për t’ja nxirë jetën kryebashkiakut.
“Ai duhet të gjuhet me vezë dhe domate kudo ku shkon. Degët e PD janë të prositura t’ja nxijë jetën këtij hajduti. Si mundet të dalë mbi kushtetutën ky, dhe çfarë bën me paratë që ua merr qytëtrarëve? Na ndërton shkolla 6 milionë euro, 3 milionë euro. I vendos emrin Bashkim Fino , i vë emrin Petro Koçi apo ku di unë çfarë emrash ka vënë, Gramoz Ruçi. Të na falë Petroja se ndoshta s’ka shkollë me emrin e tij. Shkoni tek ndërtest që ka bërë për tërmetin, kotece. Absolutisht. Minimum 70% i ka vjedhur”, tha Berisha duke u shprehur se Veliaj duhet të damkoset.
“Dega që ka lagjen e tij duhet të vendosë portretet e hajdutit të nxira në çdo ndërtesë”, u shpreh Berisha./Opinion.al
