Teksa ka mbajtur fjalën e tij në podium para protestuesve, deputeti i Partisë Demokratike, Belind Këlliçi ka komentuar incidentin e ndodhur gjatë protestës, ku 31-vjeçari Gert Shehu goditi me grusht kryedemokratin Sali Berisha.
Gjatë fjalës së tij, Këlliçi i dërgoi një mesazh kryeministrit Edi Rama, duke uruar që mos të qëndronte ai pas këtij incidenti.
Ndër të tjera, Këlliçi u shpreh se kësaj çështeje do i shkojnë deri në fund.
“Dua nis me një fjalë të drejtpërdrejtë për Edi Ramën. Uroj që parapa incidentit të sotëm të mos jesh ti. Më 12 nëntor je shpallur armik. Uroj që mos jesh as ti as ndonjë nga levat e tu apo bastardet që ke. Për këtë që ka ndodhur sot do ti shkojmë deri në fund, por nuk është ky momenti”, tha Belind Këlliçi.
Kujtojmë se, incidenti ndodhi teksa kryedemokrati, Sali Berisha sëbashku me kreun e Partisë së Lirisë, Ilir Meta ishin duke marshuar mes protestuesve drejt podiumit.
Sali Berisha u godit në fytyrë me grusht, ndërsa autori Gert Shehu u shoqërua në spitalin e Traumës për të marrë trajtim mjekësor pasi u gjakos nga bodigardët dhe mbështetësit e kreut të PD-së./Opinion.al
