Teksa ndodhet në samitin e BE-Ballkani Perëndimor që po mbahet ditën e sotme në Tiranë, zëvendëskryeministrja Belinda Balluku është pyetur nga gazetarët lidhur me incidentin e ndodhur në protestën e thirrur nga opozita, ku kreu i PD-së, Sali Berisha u godit me grusht në fytyrë nga 31-vjeçari Gert Shehu.
Në fjalën e saj, Balluku tha se shpreson që Sali Berisha të jetë mirë me shëndet dhe që kjo ngjarje mos ketë pasur ndikim në protest.
Ndër të tjera, Balluku, u shpreh se kjo e martë është një ditë e shënuar për Shqipërinë pasi liderët e BE-së janë një Tiranë dhe sipas saj nuk mund të marrë hije nga asnjë ngjarje tjetër.
“Nuk e kam informacionin, kam qenë një një konferencë. Aktet e dhunës nuk janë të mira që të ndodhin. Shpresoj që zoti Berisha të jetë mirë me shëndet dhe mos ketë impaktuar protestën e opozitës. Kjo është një ditë e shënuar për Shqipërinë dhe nuk mund të marrë hije nga asnjë lloj ngjarje tjetër. Ky samit e ka ngritur Shqipërinë në një nivel tjetër”, u shpreh Balluku./Opinion.al
