Ish-kryeministri Sali Berisha ishte sot në Patos në rastin e 31-vjetorit të themelimit të degës së Partisë Demokratike.
Gjatë fjalës së tij, Berisha ka sulmuar Agron Kapllanajn, kryetarin e komanduar nga Lulzim Basha të PD-së së Fierit, të cilin e quajti edhe “Pallat Kapllani”.
Ish-kryeministri hodhi akuza në drejtim të Kapllanajt për 32 milionë euro.
“Me cilin je ti ? Me “Pallat Kapllnin” që fiton gjatë qeverisjes socialiste dhjetra milionë Euro dhe pastaj vjen e prish shtëpitë e fukarenjve. Këta janë gjakpirës more, këta çdo pasuri e kanë vendosur mbi gjakun tuaj, këta janë hajdutër asgjë më shumë. Çfarë na lidh ne me ta? “Pallat Kapllani, si i fitove ti 32 milionë Euro me bashkitë socialiste në këtë periudhë. Sa pagove? Çfarë ryshfeti dhe?
Dhe tani do na hiqesh për demokrat? Ti je një korruptokrat, edhe je një turp që duhet të largohesh menjëherë nga Partia Demokratike. Vjen e bëhesh vegël e Lul Bravës. Sigurisht se ka rrezik të ketë marrë edhe ndonjë pallat tek “parku i 4 hajdutëve”,”- u tha Berisha.
