Sali Berisha ka dalë sot para mediave një ditë pasi u miratua reforma në drejtësi pa opozitën. Ai ka hedhur një lumë akuzash ndaj qeverisë dhe në veçanti ndaj policisë.
Numri 2 i policisë, Ardian Cipa, tha Berisha është një polic i lidhur i me trafiqet dhe krimet. është i lidhur me Genci Xhixhën, personi i akuzuar për drogën e Xibrakës.
“Bën pushime në Kubë e Hollandë. Genci Xhixha e bën ligjin në polici, njësoj si Shullazi”, tha Berisha. Ai i bëri thirrje Presidentit të marrë masa për këta banditë me uniformë siç i quajti ai.
Lidhur me drogën, Berisha tha se “Shqipëria sot ka kanabis më shumë se sa është mbjell në 25 vite të marra sëbashku”.
Sali Berisha: “Të hetohet Ardian Çipa, që hyn në zyrë dhe kërcënon si Shullazi prokurorët e këtij vendi. Çipa është i lidhur kokë e këmbë me trafiqet dhe krimet, largoi nga Tirana me makinën e tij Genci Xhixhën në aeroport. Është njëlloj si Shullazi që kapi Rektorin në mes të sheshit, Çipa thërret në zyrë zyrtarë të prokurorisë dhe i tregon familjet dhe fëmijët. Ndaj këtij mercenari duhet të veprojë ligji me urgjencë. I bëj thirrje Presidentit të ndjekë me angazhim deri në mbledhje të Këshillit të Sigurimit Kombëtar para kësaj situate ku banditë me uniforme dhe pa uniformë kërkojnë të marrin pushtet”.
