Ish-kryeministri Sali Berisha ka folur në konferencën e përjavshme për mediat në lidhje me kullën “Mali i Tiranës” që do ndërtohet pas Teatrit të Operas dhe Baletit.
Gjatë fjalës së tij Berisha tha se djali i tij Shkëlzen Berisha nuk fshihet pas kullës ‘Mali i Tiranës”.
Ai theksoi se Agim Zeqo, as Ilir Shtufi nuk ka dhënë një qindarkë të vetme për Foltoren dhe e konsideron shpifje të sajuara nga Lulzim Basha dhe Erion Veliaj.
Ndër të tjera Berisha shton se i ka quajtur kullat, monumente të shëmtuara të krimit dhe drogës.
“Ushtria e gjobëvënësve nxori se unë paskam lidhje me investitorët dhe ndërtuesit, unë u them këtu shqiptarëve se as Agim Zeqo, as Ilir Shtufi nuk ka dhënë një qindarkë të vetme për Foltoren.
Kur kam qenë kryeministër, nuk kanë pasur kurrë një favor nga unë dhe nuk e kanë kërkuar kurrë.
Sot, njërit i kanë hequr akcizën për bullin energjetik, tjetri ka me dhjetëra tendera nga Erion Veliaj e me radhë.
U ndala në këtë se këta që ngritën malin e shpifjeve, dhe e vërteta është që mali i shpifjeve sado që unë, ju e kuptoni pasionin tim për të akuzuar Edi Ramën, por në këtë rast ishte Veliaj-Balla-Brava që e stisën këtë.
Im bir nuk ka asnjë lidhje, kategorikisht me asnjë kullë. E thashë se nuk kam dhënë dhe nuk do jepja kurrë leje për kullë në Tiranë.
Kjo që bëhet është një batërdi, kjo është një shëmti dhe jam unë që i kam çuar në mënyrë të përsëritur, le që thonë këta se këtyre memorien ua përcakton gjoba, jam unë që i kam quajtur kullat, monumente të shëmtuara të krimit dhe drogës”, tha Berisha./Opinion.al
