Goditje ndaj të gjithë artistëve dhe intelektualëve të Shqipërisë, e ka cilësuar ish-kryeministri Sali Berisha incidentin e ndodhur sot përpara Teatrit Kombëtar mes protestuesve dhe policisë.
Në një reagim në Facebook, Berisha akuzon kryeministrin Rama se ka urdhëruar një “akt te paregjistruar kurrë ne historinë e një vendi te lire”, atë që sipas tij është “keqtrajtimin e artisteve si Robert Budina”
“Ky akt përben një dhune dhe terror te pashembullt ndaj kulturës se kombit tone” shkruan Berisha duke shtuar se shpreh “nderimin me te madh ndaj artisteve qe po sakrifikohen për vlerat qe besojnë dhe qe ne vend te transaksioneve te pista te kryehorrit te narkoshtetit kane zgjedhur rrugën e dinjitetit njerëzor, mbrojtjes se palëkundur te interesit publik”.
“Iu bej një thirrje mbare qytetareve shqiptar te mbështesin qëndresën epike te artisteve trima dhe guximtar gjer ne fitoren e drejte te kauzës se tyre qe do jete një fitore për mbare kombin shqiptar” mbyll Berisha reagimin në Facebook. /Opinion.al
