Kryetari i Partisë Demokratike,Sali Berisha zhvilloi ditën e sotme një takim me banorë të Lazaratit.
Ndërsa shprehu vlerësimin ndaj banorëve vendas për mbështetjen e treguar ndaj PD-së, Berisha iu drejtua kryeministrit Rama duke i thënë se Lazarati është aty dhe se nuk mund të shpërbëhet.
“Ndjehem krenarë me mbështetjen e secilit prej jush. Po vi këtu nga Libohova dhe një mik i imi atje më tha se Edi Rama i paska thënë një socialisti të thekur se Libohovën duhet ta vënë heshtje dhe Lazaratin ta shpërbëj fare i them Ramës se Lazarati është këtu dhe s’ka të fortë në këtë botë që mund ta shpërbëjë. U përpoq diktatura mizore e etërve të tu, por ata përfunduan në kosh, ndërsa Lazarati mbeti, ndaj ideja e vazhdimit të tu mizor të persekutimit të Lazaratit do marrë përgjigjen e merituar në zgjedhjet e ardhshme. Kam ardhur për t’u zotuar para jush se me deputeti tuaj, se do bëjmë çdo gjë për ju, për kapacitetin, femrat, që të kenë prosperitetin që meritojnë. Por kam ardhur këtu të dëgjoj zërin tuaj, sugjerimet tuaja, që do jenë pjesë e rëndësishme e programit të PD”, tha Berisha./Opinion.al
