Kreu i PD-së, Sali Berisha në një konferencë për mediat ka hedhur akuza se kryeministri Edi Rama po paguan shuma të jashtëzakonshme për të ndryshuar raportin e komunitetit ndërkombëtar.
Berisha theksoi se Rama po bën telefonata të pafundme, por sipas tij, nuk do t’ia arrijë.
“Mijëra e mijëra shqiptarë që e kanë të qartë se kanë tek Edi Rama, armikun e betuar të votës së lirë, nuk do t’ia falin kurrë atij këtë farsë elektorale.
Sikundër shpreh bindjen dhe besimin tim se Raporti i Komunitetit ndërkombëtar, kundër të cilit Edi Rama po paguan shuma të jashtëzakonshme për ta ndryshuar, telefonata të pafundme, por nuk do t’ia arrijë. Raporti do të jetë pasqyra më e vërtetë e kësaj farse për të cilën fjalën do e kenë shqiptarët.
Farsa elektorale prodhoi narko-parlament. Edi Rama është armik i betuar i votës së lirë. Raporti i Komunitetit Ndërkombëtar për zgjedhjet do dalë, teksa Rama po paguan shuma të mëdha për ta ndryshuar, telefonata të pafundme, por nuk do ia arrijë. Raporti do jetë pasqyra e kësaj farse”, u shpreh Berisha.
