Mbrëmjen e sotme kryetari i PD, Sali Berisha ka zhvilluar një takim me FRPD, kryetarët dhe drejtuesit politik të degëve të Tiranës.
Gjatë fjalës së tij, Berisha ka akuzuar qeverinë se bashkëpunëtore me grupet kriminale, ndërsa tha se në krye të mafies është kreu i qeverisë Edi Rama.
Kryedemokrati akuzoi Ramën për korrupsion, teksa tha se së shpejti do të nisin hetimet ndaj tij edhe në Shqipëri.
“Të marrësh kandidatët tanë dhe ti krahasosh me kandidatët e tyre, janë dy botë. Kandidatët e tyre janë kandidatë të nomenklaturës. Por të cilës nomenklaturë do thoni ju. Të nomenklaturës të shtetit mafioz, nomenklaturës së mafies. Një gazetar e pyeste kreun e skapit, i thoshte a ka në Shqipëri mafie të strukturuar. Kreu i skapit i përgjigjej nuk ka taman, se nuk kanë kryetar. Nuk guxonte të thoshte se këtu është shteti, mafia. Në Shqipëri në dallim nga vendet e tjera, atje ka Ndrangheta boss, ka Sacra Corona Unita, kurse këtu është Edi Rama, është qeveria. Është absolutisht ajo që shkruante Bild, shteti i mafias së drogës. Dhe kandidatët e kësaj mafie janë kandidatët e vesit, janë kandidatë që kanë vjedhur me tendera, janë kandidatë të lidhur me një mijë fije me trafikantët, janë kandidatë të cilët u rëndojnë thasët me euro qytetarëve. U rëndojnë lidhjet me drogën, u rëndon fakti se për ta nuk ka votuar një socialist i vetëm, të gjithë kanë dalë nga sirtarët e Edi Ramës, u rëndon tmerrësisht vetë Edi Rama. Çdo kandidat e di, se i ka kohërat e numëruara. Se mëkatet e tij janë të pafundme, se është i vetmi kryeministër që është në hetim ndërkombëtar dhe së shpejti dhe kombëtar. Është i pashpresë, kjo është e vërteta”,-tha Rama./Opinion.al
