Kreu i Partisë Demokratike, Sali Berisha mori pjesë sot në homazhet për nderim të artistes së madhe, Margarita Xhepa.
Në një prononcim për mediat, Berisha u shpreh se ikona e kinematografisë shqiptare do të mbetet e gjallë përgjithnjë, në memorien e atyre që ndoqën me admirim interpretimet e saj.
“Për kontributin e jashtëzakonshëm të Margarita Xhepës në 7 dekada, sa askush tjetër, ne skenën dhe filmin shqiptar. Ajo nuk është më, por do mbetet përjetë e gjallë në memorien e atyre që ndoqën me aq admirim interpretimet e saj. Do mbetet e gjallë në memorien e artit e kulturës shqiptare”, u shpreh Berisha për media.
