Nga Vau i Dejës, kryetari i PD, Sali Berisha ka folur për atentatin e ndodhur pak ditë më parë në Don Bosko, ku mbeti viktimë një 58-vjeçare dhe u plagosën 6 persona të tjerë në ambientet e një lokali.
Berisha akuzoi kryeministrin Edi Rama për situatën e kriminalitetit në vendin tonë, duke përfshirë është edhe politëk e korruptuar.
Berisha deklaroi ndër të tjera se “Rama doli me parimin le të hanë kokat e njërit-tjetrit”, duke shtuar se kjo do të thotë meqenëse shteti nuk ka dënimin me vdekje, ai u thotë kriminelëve të “ekzekutojnë rrugëve”.
“Ky regjim mbështetet te krimi, paguajmë një polici që është e infiltruar nga krimi. Raporti i inteligjencës tregonte se 127 komisarë ishin marrë me mbjellje droge. Edi Rama doli me parimin, t’i hanë kokën njëri-tjetrit. Ne jemi vend pa dënim me vdekje dhe duhet të krenohemi. Çfarë do të thotë kjo, shteti nuk ekzekuton ndaj dilni ju dhe ekzekutoni rrugëve, ai u thotë kriminelëve rendi është në duart tuaja, nuk kamë punë unë. Nëse thotë ashtu ai jep licenca për vrasës, çfarë ndodhi parmbrëmë. Një nënë që punonte për të mbajtur mbesën e vetë me dy punë, 4-5 qytetarë të tjerë, u bënë objekt i breshërive të palidhur me asnjë krim, për fajin e vetëm se Edi Rama autorizon vrasësit t’i hanë kokën njëri-tjetrit dhe ata arrijnë deri sa të qëllojnë pa nishan, mund të kishim 6 të vdekur, kjo është politika e tij”,-tha Berisha.
