Ish-kryeministri, Sali Berisha, në konferencën e përjavshme për mediat, ka sqaruar deklaratën e mëhershme në lidhje me koalicionin e grupimit të tij me Partinë e Lirisë. Berisha tha se është në diskutim me PL në lidhje me format e koalicionit për zgjedhjet e 14 Majit, ndërsa theksoi se PD është së bashku me Metën për të gjithë kandidatët e dalë nga primaret.
“Kam deklaruar se ne jemi ne koalicion me PL. Nuk është në diskutim koalicioni, format. Koalicioni është i përfunduar. PD është së bashku me Ilir Metën në të gjithë kandidatët e primareve në Shqipëri është deklaruar në mënyrë të përsëritur. Për Këshillat bashkiakë po diskutohen me modalitetet e tjera. Koalicioni është përfundimtar ”-tha Berisha./Opinion.al
