Ish-kryeministri Sali Berisha dha një deklaratë të shkurtër për media në përfundim të mbledhjes së përbashkët të deputetëve të Partisë Demokratike, përfshirë grupimin e tij dhe deputetët e grupimit të Gazment Bardhit.
Berisha tha se në mbledhje u diskutua për agjendën e nesërme të Parlamentit dhe përballjen me qeverinë.
– “U diskutua mbi drejtimin disfunksionial në kundërshti me ligjin dhe me Kushtetutën e Parlamentit. Opozita do japë përgjigjet e merituara.
Përfundoi mbledhja e grupit. U diskutua e gjithë agjenda e nesërme e parlamentit. Qendrimet që do mbajnë deputetët dhe z.Bardhi do t’ju informojë më me hollësi.
U diskutua gjerësisht mbi drejtimin absolutisht disfunksionial në kundërshti me ligjin, me Kushtetutën të Parlamentit. Shkelmimin nga ana e institucioneve të vendit të të drejtave elementare të deputetëve për t’u informuar dhe informuar zgjedhësit e tyre.
Braktisjen që i bën Edi Rama Parlamentit.
Për të gjitha këto grupi parlamentar, deputetët e opozitës do të japin përgjigjet e merituara. Faleminderit!”, tha Berisha.
