Ish-kryeministri, Sali Berisha paralajmëroi protesta të përjavshme para Parlamentit, në fjalën e mbajtur në protestën e sotme, teksa paralelisht po zhvillohet mbledhja e Këshillit të Mandateve, për diskutimin e kërkesës së SPAK për heqjen e imunitetit të Berishës, që do t’i hapte rrugë ashpërsimit të masës së sigurisë ndaj tij.
Ndërkaq, më 27 dhjetor, Berisha kërkoi një protestë para Gjykatës së Lartë ku do të jepet vendimi për logon e Partisë Demokratike.
“Më 27 dhjetor çdo demokrat e demokrat para Gjykatës së Lartë, ku Edi Rama ka porositur ekzekutimin e identitetit tonë. Ne do të qëndrojmë. E enjtja që vjen të gjithë para Parlamentit monist. Në pesë javë e shndërruan Parlamentin në një ndërtesë dhe jo më shumë. E patë që 43 deputetë, Parlamentin e krimit e futën në ilegalitet. Ju ftoj në protestë çdo të enjte, për Parlamentin, për demokracinë”, tha Berisha.
