Ish-kryeministri Sali Berisha është në një komunikim me gazetarët, ku ka folur sërish për zgjedhjet vendore të majit. Edhe një herë ai akuzoi qeverinë për blerje të votës.
Ai u shpreh se opozita nuk mund të bëhet përgjegjëse për një qeveri që nuk respekton asnjë rregull por për të rikthyer votën e lirë në Shqipëri.
“Kjo qeveri nuk dorëzon pushtetin sepse kjo qeveri nuk lë ligj pa thyer për të qëndruar në pushtet. Sot me qindra mijëra shqiptarë presin që opozita duhet t’i japë zgjidhje kësaj, e vërteta është se në këtë infrastrukturë antiligjore të rrënimit të procest zgjedhor, asnjë opozitë nuk i ka dhënë dot përgjigje me votë. Atëherë synohet të ndërgjegjësojë të gjithë ata që besojnë se duhet të qëndrojë për votën e lirë. Shqiptarët e dinë që zgjedhjet po vidhen, ata që njohin mirë procesin nuk mund të fajësojnë opozitën, ai që fajëson me qëllim ai firmos licencën që qeveria të vjedhë zgjedhjet. Opozita nuk mund të bëhet përgjegjëse për një qeveri që nuk respekton asnjë rregull. Të gjithë biem dakord se zgjedhjet janë vjedhur, por mjerisht dhe në mënyrë të padobishme besohet se opozita ka përgjegjësi për këtë. Opozita ka përgjegjësi nëse do të heshte apo nuk do të argumentonte me fakte gjithçka që ndodh. Opozita ka përgjegjësi nëse nuk ngre shqiptarët në një betejë vendimtare për votën e lirë. Nuk mund të ndalojmë ne në Këshillin e Ministrave për të vendosur të shpërndajë zarf për pensionistët. Opozita nuk ndalon dot qeverinë të shpallë rritjen ne rrogave në mes të fushatës elektorale”, tha Berisha./Opinion.al
