Berisha: Nuk realizuam detyrat, humbëm shumë raste për shënim

Portieri i Kombëtares, Etrit Berisha, ishte edhe kapiteni i kësaj përballjeje. Në deklaratën e dhënë për “TVSH” në përfundim të sfidës, portieri ka treguar vështirësitë e hapura ndaj Spanjës dhe faktin që iberikët diktuan dhe që nuk lejuan Shqipërinë të bënte lojën e saj.
VËSHTIRËSITË – “U munduam që t’i bëjmë presing lart dhe tentuam që në momentin kur do t’u rrëmbenim topin, t’u bënim një kundërsulm. Mirëpo, të them të drejtën, nuk ia arritëm që ta bënim, sidomos në minutat e pjesës së parë kur hasëm shumë vështirësi. Momente kur ata e qarkulluan shumë topin dhe na vunë në rrezik disa herë.
Kjo nuk na linte që të bënim ashtu siç duhet detyrën tonë. Mendoj se për një përballje të tillë kundër një ekipi si Spanja duhet të jemi të gjithë perfekt dhe në ditën tonë më të mirë. Në këtë përballje kemi krijuar shanse për shënim, jashtëzakonisht shumë për të shënuar gol që të mund të rihapnim ndeshjen, por nuk ia arritëm”, është shprehur portieri i kuqezinjve pas disfatës në Spanjë.