Ish-kryeministri, Sali Berisha, nga Kuvendi Kombëtar i PD, deklaroi se beteja me qeverinë nuk është një betejë politike, por një luftë për ekzistencën e kombit shqiptar.
Berisha teksa foli për mosbindje civile, theksoi se do vijojë aksionin pa kthim deri në fitore.
“Historia e Shqipërisë nuk është e tradhëtarëve, por e punëtorëve, atdhetarëve.
Për çdo tradhëtar, çdo pushtues ka patur gjithmonë heronj shqiptarë që kanë shpëtuar Shqipërinë.
Pushtimi i Perandorisë Osmane solli Skënderbeun.
Diktatura komuniste solli lëvizjen studentore, prijësin e saj legjendar Azem Hajdarin. Azem ti je gjallë!
Edhe sot, narko regjmi i Edi Ramës do zgjojë luanin e fjetur tek shqiptarët sepse kjo nuk është një betejë politike por një luftë për ekzistencën e kombit shqiptar. Pse i thashë unë këto fjalë? Sepse çdo shqiptar sot duhet të ndajë mendjen se kjo nuk është një betejë politike, kjo është një luftë për ekzistencën, për shpëtimin e kombit dhe të Shqipërisë. Të dashur miq, ne nuk jemi kundër një partie, por kundër një partie shtet, e zaptuar nga mafia shtetërore e rrezikshme e Europës me në krye Edi Ramën, kundër atyre që në 10 vite treguan se nuk duan pluralizmin, nuk duan demokraci, jemi kundër armikut shqipfolës Edvin Kristaq Rama. Me votë ai nuk ikën sepse votën e lirë nuk e lejon, sepse po la pushtetin ai përballet me përgjegjësinë e krimeve të tij të tmerrshme ndaj shqiptarëve që ju ka bërë këtë dekadë. Çfarë mbetet për të bërë në këto rrethana? Përgjigjen për këtë e kemi demonstruar në parlament. Aksion pa kthim, mosbindje civile, aksion pa kthim, deri në fitore”, tha Berisha.
