Ish-kryeministri, Sali Berisha ka dalë në një konferencë për mediat teksa pritet që të nisë seanca ndaj tij në GJKKO.
Gjatë fjalës së tij Berisha tha se në procesin për çështjen Partizani nuk është vetëm Sali Berisha dhe familjarët e tij, por edhe reformat epokale të PD-së.
“Siç e dini, Edi Rama i ka shpallur luftë opozitës dhe unë u them demokratëve kudo që janë, se me aktin e fundit, ai ka shpallur një luftë totale, për të cilën ne do i përgjigjemi me të gjithë forcën dhe mundësitë tona.
Procesi është procesi më politik i këtij shekulli.
Në proces nuk është vetëm Sali Berisha dhe familjarët e tij, jo, absolutisht.
Në proces janë reformat epokale të PD-së, të cilat goditen nga një gardë pretoriane, të cilat goditen nga falanga politike krimi, në një analizë që dëshmon urrejtjen e tyre për reformat e tregut të lirë dhe demokracisë që ka ndërmarrë PD në vite.
Çdo demokrat duhet të ndjehet krenar me to”-tha Berisha.
