Avokatët e ish-kryeministrit Sali Berisha i janë drejtuar me një kërkesë prokurorëve të SPAK, për ta lejuar të marrë pjesë në seancat plenare të kuvendit. News 24 raporton se lajmi është konfirmuar nga avokati i ish-kryeministrit Sokol Mëngjesi.
Kërkesa sipas avokatit, është argumentuar me faktin se Sali Berisha prezumohet i pafajshëm dhe se ka të drejtë të marrë pjesë në seancat plenare, por edhe detyrim karshi zgjedhësve të tij.
Kërkesa është bërë dje më 15 janar.
Ish-kryeministri Sali Berisha ndodhet në arrest shtëpie për çështjen e privatizimit të ish-kompleksit Partizani.
