Më 8 shkurt, kreu i Partisë Demokratike Sali Berisha ka thirrur një protestë kombëtare të opozitës.
Gjatë një deklarate për media, ai tha se kjo protestë do të jetë më e fuqishme që Shqipëria ka parë ndonjëherë.
Duke u bërë thirrje shqiptarëve t’i bashkohen këtij tubimi në kryeqytet, Berisha tha se ora dhe detaje të tjera do njoftohen në vijim.
”Më 8 Shkurt, ditën e Shtunë, shqiptarët do ngrihen në këmbë në një protestë të fuqishme që Shqipëria se ka parë kurrë më parë. Për të treguar mospajtimin e plotë me këtë grup kriminelësh që bënë gjithçka për një Shqipëri pa opozitë!
Që mendon se sa më shumë vjedh, aq më shumë e votojnë. E gjithë Shqipëria në Tiranë, e gjithë Tirana në shesh dhe rrugë kundër këtij regjimi që u ka bërë shqiptarëve dëmet më të mëdha në historinë e tyre”, tha Berisha.
