Ka nisur punimet Kuvendi Kombëtar i thirrur nga ish-kryeministri Sali Berisha.
Kuvendi nisi me himnin kombëtar, ku demokratët u ngritën në shenjë nderimi të gjithë në këmbë.
Ndërkohë, Berisha ka shkuar në Pallatin e Kongreseve i shoqëruar nga bashkëshortja e tij, Liri Berisha dhe nga vajza Argita Malltezi.
Vihet re gjithashtu mungesa e kreut të grupit parlamentar të PD-së, Gazment Bardhi dhe e deputetëve që e mbështesin atë.
Ashtu siç është njoftuar nga Berisha dhe mbështetës të tij, në këtë mbledhje do të bëhet votëbesimi i kryetarit të Partisë. Po ashtu, në rendin e ditës janë edhe disa pika të tjera, që lidhen me zhvillimet e brendshme në parti apo gjendjen e vendit. Pritet edhe miratimi i një rezolute si do të vazhdojë aksioni opozitar.
