Ish-kryeministri Sali Berisha ka mbërritur në SPAK, ku është thirrur për t’u marrë në pyetje në lidhje me çështjen e privatizimit të ish-kompleksit ‘Partizani’, si person nën hetim.
Kjo do të jetë hera e parë që Berisha shkon në SPAK për t’u marrë në pyetje për këtë çështje, ndërkohë më herët ai nuk ka pranuar të paraqitet pasi pretendonte se për çështjen e tij ishte shkelur Kushtetuta.
Ish-kryeministri është pritur me ovacione nga mbështetës së tij të cilët thërrisin në kor “O Sali o hero gjithë Shqipqria ty të do”.
Përpara ambienteve të SPAK ndodhen dhe shumë deputetë demokratë të cilët mbështesin ish-kryeministrin.
Ndërkohë para gazetarëve ai tha: Beteja me botën e krimit vazhdon. Opozita do të fitojë. Jam sot këtu për të përfaqësuar ju, përfaqësuar shqiptarët, përfaqësuar pluralizmin, Partinë Demokratike! Jam këtu për të denoncuar Edi Ramën dhe grupin e organizuar kriminal në këtë ndërtesë, që angazhohet në betejë kundër pluralizmit. Ne do fitojmë, fitore, fitore, fitore!
