Ish-kryeministri, Sali Berisha, ka mbajtur fjalën e tij në kuvendin Kombëtar të Partisë Demokratike.
Berisha tha se jemi në mbyllje të vitit 2023 dhe fundi i vitit është gjithmonë kohë reflektimi.
Më tej, ai theksoi se kombi ynë sot është një komb shpresëhumbur që vajton të rinjtë nuk gjejnë të ardhmen në këtë vend.
Jemi në mbyllje të vitit 2023, fundi i vitit është gjithmonë kohë reflektimi, por sot ju ftoj të bëjmë një reflektim më të thellë sepse ky fund viti shënon mbylljen e një dekade që qeverisemi nga Rilinidja, një dekade nga më të zezat në historinë e Shqipërisë, në të cilën humbëm votën e lirë, kombi humbi shpresën dhe një të katërtën e gjakut të tij. Kjo është dekada e shkatërrimit. Ku ishim dhe ku jemi. Kombi ynë sot është një shpresëhumbur, një komb që vajton të rinjtë nuk gjejnë të ardhmen në këtë vend. Është Komb që dergjet në varfëri dhe skamje, sepse është më i plaçkituri nga gjithë kombet e Evropës. Prona private grabitet jo më nga komunistët, por nga investitorët strategjik”,-tha ish-kryeministri Berisha.
