Në një deklaratë për mediat, ish-kryeministri Sali Berisha tha se marrëveshja mes Shqipërisë dhe Italisë për emigrantët është përgatitur në mënyrë sekrete.
Sipas tij, vendosja e kampeve në Shqipëri, përbën rrezik serioz real për sigurinë e qytetarëve shqiptarë.
Berisha theksoi se PD nuk pranon një marrëveshje që vjen në shkelje të Kushtetutës, konventës europiane të të drejtave të njeriut.
“PD deklaron se narko regjimi i Ramës nuk mund të garantojë respektimin më minimal të të drejtave të refugjatëve. Dëshmi e kësaj është keqtrajtimi çnjerëzor me pasoja vdekje i refugjatëve iranianë në Manëz. Territori i Shqipërisë kontrollohet nga grupet kombëtare dhe ndërkombëtare të trafikut të drogës, të lidhura me Ramën, Ballën dhe zyrtarë të tjerë.
PD vlerëson se vendosja e kampeve në Shqipëri, përbën rrezik serioz real për sigurinë e qytetarëve shqiptarë dhe vendit në tërësi.
Firmosja e kësaj marrëveshje nga Rama është bërë vetëm në funksion të pushtetit të tij të degraduar.
PD shton se Rama është nën hetim ndërkombëtar për skandalin McGonigal.
PD nuk pranon një marrëveshje që vjen në shkelje të Kushtetutës, konventës europiane të të drejtave të njeriut. PD garanton Italinë se mbetet e vendosur të punojë ngushtë për forcimin e miqësisë”, deklaroi Berisha./Opinion.al
