Kreu i PD-së, Sali Berisha ka paraqitur kërkesë për përjashtimin nga çështja e tij të anëtares së Gjykatës Kushtetuese, Marsida Xhaferllari, e cila është partnerja e Enkelejd Alibeajt.
Në dokumentin e dorëzua nga Sali Berisha, thuhet se gjyqtarja Marsida Xhaferllari s’mund të marrë pjesë në shqyrtimin e çështjes, pasi është në konflikt interesi, përderisa është partnere e Enkelejd Alibeaj.
Më 19 nëntor, Gjykata Kushtetuese pritet të shqyrtojë ankimin e Berishës kundër masës së detyrimit për paraqitje të vendosur ndaj tij nga SPAK.
Sipas ekipit të mbrojtjes së Berishës, kjo masë konsiderohet antikushtetuese pasi SPAK-u duhet të kishte kërkuar autorizim nga Kuvendi, për shkak se masa përfshin kufizimin e lirive të tij.
