Kreu i Inspektorit të Lartë të Drejtësisë, Artur Metani ka reaguar pasi ish-kryeministri Sali Berisha kërkoi dorëheqjen e tij, duke e akuzuar se është i zhytur në aferën e inceneratorëve.
I pyetur nga gazetarja Anila Hoxha rreth akuzave, Artur Metani është shprehur se “kushdo që ka ankesa apo akuza të shkojë në prokurori”.
Ai theksoi se “çdokush që kërkon të intimidojë ose të ndikojë, apo të bëjë presion në punën e Inspektorit të Lartë të Drejtësisë, ta harrojë”.
“Unë nuk kam dëshirë të merrem me komente politike, por do respektoj pyetjen tuaj. Për rastin konkret, por edhe kujdo tjerër, që ka ankesa apo akuza ndaj Inspektorit të Lartë të Drejtësisë ose Artur Metanit, i them që të shkojë në prokurori.
Se dyti, cdokush që kërkon të intimidojë ose të ndikojë, apo të bëjë presion në punën e Inspektorit të Lartë të Drejtësisë, ta harrojë! Ta harrojë!“, është shprehur Artur Metani.
Kujtojmë se Berisha është shprehur se Artur Metani përbën kërcënim potencial madhor për të gjithë hetuesit dhe gjykatësit e çështjes së inceneratorëve, pasi ai është vetë i inkriminuar plotësisht./Opinion.al
