Kryeministri Edi Rama e mori fjalën në parlament duke iu drejtuar ministrave me fjalët: “Të dashur kumbarë kanabistë që jeni ulur pas meje”.
Më tej ai tha se Rama mbrojti Saimir Tahirin pasi i bëri presion me disa dosje. Sakaq përmendi tre emrat që sipas tij janë nxjerëzit më të afërt të kryeministrit.
Pjesë nga fjala e berishës në parlament
Mediat më të mëdha dhe serioze denoncojnë atë që në politologji njihet si narkoshtet. Të parin e këtij e ndërtoi Noriega në Panama, të dytin e ndërtoi Edi Rama në zemër të Europës. Opozita bëri shumë për të denoncuar për të parandaluar instalimin e narkoshtetit në Shqipëri, por natyrisht arkitekti (Rama) filloi betejën për shndërrimin e Shqipërisë. Në vitin 2016, arriti të mbillte 290 mijë ha kanabis.
Nga dosja e prokurorit të Antimafias të Italisë doli se ministri i Brendshëm ishte promotor kryesor i trafiqeve në Shqipëri. Dosja italiane nuk citonte Edi Ramën, por Edi Ramën e citoi vetë Edi Rama, kur u bë parzmore e Tahirit.
Edi Rama për shkak të dosjeve të rënda u dorëzua përpara Saimir Tahirit.Ju u detyroi ju të bllokoni drejtësinë.
Lajmet nga Greqia bëjnë me dije se në krye nuk është Tahiri por dhe njerëz të afërt të Edi Ramës. Ata e thonë indirekt vetë Edi Rama. Kush janë njerëzit më të afërt të Edi Ramës?!
Gramoz Ruçi. Nuk kam të dhëna se djegia e kullës së Qerem Bracit ka lidhje me Habilajt apo Balilin nuk e them dot.
I dyti është Don Agacio, kumbara që lidh ndragetën me qeverinë. Por në këtë rast nuk kam të dhëna.
I treti është Olsi Rama.
Rrethi i kuq po i ngushtohet Noriegës çdo ditë e më shumë. Dosja e Xibrakës i qëndron si shpata e Demokleut mbi qafën e tij. Është koha e fundit të arsyetoni. Sa i takon ligjit keni vjedhur 4 vjet 15 mijë ha tokë, do vidhni dhe 15 ha të tjera, vazhdoni e grabisni tokat e shqiptarëve”, tha Berisha.
/Opinion.al
