Kryetari i Partisë Demokratike, Sali Berisha ka ftuar sërish kryeministrin Edi Rama për një debat publik.
Sipas Berishës, Rama duhet të tregojë se ku kanë shkuar ‘paratë e djegësit të Tiranës’.
“E ftoj Ramën të dalim këtu, ai le të marrë suflerët dhe unë vetëm. Hajde të faktojmë se ku i çove paratë e shqiptarëve, por nuk del dot, nuk ia mban sepse ka vjedhur dhe vetëm ka vjedhur.
Nuk del sepse janë 130 mln euro të djegësit të Tiranës të zhdukura pa nam e nishan. Janë 120 mln euro që i merr Beccheti, vetëm e vetëm se burreci 2 metra nuk duronte dot kritikat.
Janë 225 mijë metra katror tokë në Gjipe që i ka marrë pa asnjë dokument kadastral dhe i ka përvetësuar për veten dhe familjen e tij.
Nuk del dot, sepse sikur të ishte sheik shkon dhe ulen me bileta 30 mijë euro, hap shishen verës 33 mijë euro.
Vetëm djegësi i Tiranës kushton 812 mijë pensione. Ja pse pre ai nuk del dot, nuk ia mban”, tha Berisha.
